Sorry folks, unless you want to teach your kids the Alphabet in Afrikaans, this one’s not for you. I’ll do the English alphabet some time or another, just bear with me OK!
So hierdie een is spesiaal vir ons Afrikaners, yay! Ek het oral gesoek vir Afrikaanse uitdrukke en dit is moeilik bekombaar as jy dit verniet wil hê so na ‘n lang gesoek het ek besluit ek sal dit dan maar vir ons ontwerp. Die prentjies is nie in kleur nie sodat dit kostes bespaar op ink en sodat jou kind dit sommer self kan inkleur.
Ek het amper B vir Bennie Boekwurm gemaak om dit meer eie aan ons kultuur te maak maar B vir Bal was ongelukkig net eenvoudig korter, so hier is die eerste twee… A en B.
Ek het genoeg herhalings van elke letter gemaak in drie lyne dat die kind kan hersien. Dit is dalk goed om elke dan en wan weer terug te kom na die begin om seker te maak hulle onthou dit nog.
Gesels met jou kind oor die “groot A” en die “klein a” en hoe elkeen lyk. Bring dit op in allerdaagse lewe, vra jou kind om die letter uit te wys. “Kan jy sien of daar ‘n “a” is in hierdie woordjie?” “Watter letter is hierdie nouweer?” Ek dink nie dis nodig om so vroeg soos 3 jaar te begin nie, maar vir pret het ek al met my tweeling begin en hulle geniet dit vreeslik om “a” vir my uit te wys. Vandag volg b!
Ek het eers oorweeg om die hoofletter en klein letter apart te hou maar het op die ou einde besluit dat dit goed is vir hulle om die twee saam te sien sodat hulle altyd met mekaar ge-assosieer kan word. Dit mag hul dalk langer vat om die alfabet te leer so, maar ek glo tog dit is van belang dat hulle dit op hierdie manier kan struktureer.
Met tyd sal ek nog ontwerp en dit hierby voeg. Teken in by my blog om seker te maak jy kry die hersiennings op hierdie post tot by Z.
Geniet dit!
NB, sien hersiende werksblad vir A- ark volgens korrekte foenetiese uitspraak!
Ek het hierdie ook met my kinders gedoen met die Mr Price Chunky paint pens en dit was hope pret. Gaan na hierdie skakel vir die uitdrukke wat ook verniet bekombaar is.
Confessions of a Homeshchooler
Hierdie het ons ook gedoen met kryte. Kry dit verniet by:
The Measured Mom (Hoofletters)
The Measured Mom (Kleinletters)
(Let wel, net die kleimatte is geskik vir voorskool – die werksblaadjies is nie ideaal vir voorskool nie, gebruik dit slegs vir “groter” kleintjies wat alreeds die groot letters op die kleimatte baasgeraak het.)
Hierdie blad is afhanklik van “shares” op sosiale media om verniet te bly. Wees asb so vriendelik om te deel waar jy kan, dankie!
Ander Werkskaarte in hierdie reeks
21 Comments
A en B Klei Matte of Afteken - KraftiMama
August 25, 2016 - 8:06 am[…] is lekker kleimatte om hierdie A en B Alfabet afteken afdrukke te vergesel. Druk dit uit en […]
Chanel
October 21, 2016 - 11:30 amHi ek is op soek na die res van die afrikaanse alfabet asb die van C-Z
KraftiMama
October 21, 2016 - 11:54 amHi Chanel. Ek is nog in die proses om alles te ontwerp soos ek my kindertjies leer. Hulle is nog maar net amper 4 so ons werk nie op ‘n vreeslike vinnige pas nie. Daar is egter nogal baie belangstelling in hierdie reeks so ek sal bietjie my boude wikkel en hierdie reeks klaar maak op ‘n vinniger pas. Watter 5 letters soek jy eerste dan sal ek solank daaraan begin werk?
Afrikaans Alfabet C en D werksblaaie - KraftiMama
November 17, 2016 - 7:07 am[…] Hiermee volg die werksblaaie C en D, die opvolg op A en B. […]
Michelle
April 26, 2017 - 3:15 pmHi Chanel, het jy jou reeks al voltooi? Ek stel baie graag belang asb…
KraftiMama
May 5, 2017 - 6:20 pmHi Michelle, ek is bly jy hou daarvan! Ek is egter bietjie traag met die reeks, jammer! Ek ontwerp soos ek kans kry maar vind die tyd maar min. Hou maar dop vir updates, ekgaan dit vir seker klaarmaak. Sien ook “My Afrikaanse Avontuur” vir baie oulike werksblaaitjies.
Adri
May 10, 2017 - 7:31 pmHi Michelle, wat ‘n wonderlike idee van jou. Ek stel ook belang in die res van die alfabet. Wikkel vrou jy het ‘n wen resep hier!!!
KraftiMama
May 10, 2017 - 8:00 pmHi Adri, ai jong ek ontwerp dit soos ek vir my kinders leer en hulle is nog maar 4 ?. Ek besef wel die nood is groot en die lesers soek dit dringend… ek moet ek moet! Cheers Elsabe
Adri
May 10, 2017 - 8:30 pmgeniet elke oomblik hulle word so vinnig groot!!!!
Eudocia
January 10, 2018 - 4:12 pmJy is ‘n ster! Ek hou van mense met kreatiewe denke wat met sulke uitstekende idees tevore kom. Dit sal beslis handig wees vir Graad 1 en 2 juffrouens.
KraftiMama
January 10, 2018 - 4:20 pmAg baie dankie, ek hou van mense wat sulke oulike comments maak ?
Annette
January 22, 2018 - 12:41 pmBaie bankie vir die werkvelle. Ek gebruik dit om my pa van 83 weer te leer skryf na ‘n lang siekbed. Ek sukkel dink die link vir L en K is gebreek aangesien dit nie oopmaak nie, net weer die prentjie vertoon. Het jy dalk J, O en N werkvelle of is dit nog in proses? Ek kan jou regtig nie genoeg hiervoor bedank nie, Jy is ‘n ster!
Groete
Annette
KraftiMama
January 22, 2018 - 12:57 pmHi, dit is ‘n groot plesier! Jammer dat die link gebreek is… en ja alles is nog bietjie deurmekaar, ek het nou x, y en z klaar geteken en sodra ek die blaadjies ontwerp het sal ek dit opsit en van daar sal ek bietjie die links almal nagaan.
J, K en L is almal saam hier
https://kraftimama.com/2017/06/01/afrikaans-alfabet-j-l-werksblaaie-en-kleimatte/
en N kan jy hier vind
https://kraftimama.com/2017/09/30/afrikaans-alfabet-m-n-q-en-r-werksblaadjies-en-kleimatte/
en O hier
https://kraftimama.com/2017/10/27/o-vir-otter-werkskaart-en-kleimat/
Adri
March 3, 2018 - 7:01 amMore Annette.
baie dankie vir al jou moeite met die letters. Kan jy dalk vir my die link stuur vir die p? Hy wil nie oopmaak. My dogter geniet elke blaaitjie so ek wil graag dat sy ook die p doen. Groot asb.
Lekker dag!
Groete Adri
KraftiMama
March 3, 2018 - 7:29 amHi Adri, groot plesier. Ja hiers die werkskaart https://kraftimama.com/wp-content/uploads/2017/10/P-Pan.pdf en hier is die kleimat https://kraftimama.com/wp-content/uploads/2017/10/P-Kleimat.pdf
Adri
March 3, 2018 - 7:56 ambaie dankie xxx
Joy-Mari Cloete
June 26, 2018 - 3:38 pmSjoe! Ek is in my noppies oor jou reeks! Is dit al volledig? Ek is beslis bereid om jou te betaal!
KraftiMama
June 26, 2018 - 3:41 pmHi Joy-Mari, die hele reeks is beskikbaar, Mahala! Kykna die prentjies onder op hierdie post en kliek gerus op die letter wat jy soek. Geniet!
Monique
May 23, 2019 - 12:06 pmHi Kraftimamma, jy is n ster. Ek benodig wel S. Kan jy groot asb stuur na Monique.jacobs@savinodelbene.com
KraftiMama
May 23, 2019 - 12:36 pmHi monique, jy kan s vir slak of s vir son in die”search” area druk dan sal dit opkom. As jy nie dadelik die pdf sien nie moet jy soms net n bietjie wag, veral as die internet stadig is. Groete KraftiMama
Monique
May 23, 2019 - 12:39 pmHi KraftiMama, duisende dankies, ek het reggekom 🙂